Zwei Räppler
Bilder
Sammlung der Verse
Angela Merkel
D’Angela Merkel hät noch all dene Johre
So ziemlich alli Fans verlore.
Gschlosse hinder ihre stoht – immerhin
Nu no de Flughafe vo Berlin
Toni Brunner
De Toni fluecht „Himmel Herrgott zack!“
de Stimmverlust goht mer uf de Sack.
Jetzt wird er vom Fernseh buecht
Als Kandidat bi „Bauer, ledig, fluecht“.
CVP
CVP loht ihri Wähler befroge:
S’C ganz wegloh, chömmer da woge?
Alli Wähler hend mitgmacht und chasch glich nüt säge:
De eint isch defür und de ander degäge.
AKW Mühleberg
Alli Mitarbeiter vom AKW
Mühleberg hend kei Arbeit meh
doch s’FM1 find die attraktiv
stellt alli a – die sind Radio aktiv
Möbel Pfister
Svoboda, de Möbelmaa
hanget am Möbel Pfister dra
jetzt wird do drus Gottfriedstutz
XXLutz de Möbel-F….rau
Klimawandel
Als Klimasünder isch’s en chline Schritt
Den machsch bi de Klimajugend mit.
De Klimasünder flügt uf Kreta
und Klimajugend flügt uf d’Greta
Greta Thunberg
325 Millione
Mensche tüend z’Amerika wohne
D’Greta Thunberg isch glaub bekifft
wenn sie trotz dere Uswahl nu de Donald trifft.
Credit Suisse
CS will zum Klimavorbild werde
Will’s immer heisser wird uf de Erde
Im Firmeleitbild – jo do stoht
das mer alli beschatte loht
Paul Rechsteiner
Letschti am Bahnhof do ghöri e Durchsag:
„Gleis drü bitte zruggträte, Zugsdurchfahrt!“
Do wird ein Maa uf em Perron verruckt:
„I bi dä Rechsteiner Paul, i trät sicher nöd zrugg!“
Gossau
Beat Breu
En Zirkus gründe so ganz neu
Das cha nu de Beat Breu
Lo das Beat, das isch z’schwer
aber hetsch Interesse am Beck Gehr?
Alex K. Fürer
Espel schlüsse – Schwalbe erwiitere
Das Projekt, das chönti schiitere
D’Bewohner vom Espel reagiert barsch
Nüt goht förschi – Alex mi doch am Arsch.
Dessous Perle
E Fachgschäft weniger i üsere Stadt
D’Dessous-Perle nipplet ab
Nu de Wolfgang Giella freut das sehr
So git’s z’Gossau weniger Verkehr
Aussenbad
Falls er uf Infos zum Ussebad wartet
D’Kampagne degege isch scho längstens gstartet
En eigni Ziitig machets, do stohts breit:
Gönd ine go bade: Go Inside
Flawil
Bänkli
Muesch nöd immer wiit wäg id Ferie go
Chasch au do in Flowil dini Seel baumle loh
Jetzt sitzt i do am Bahnhof: Danke und viel Grüess
S’einzig wo bambelet sind mini Füess
5-Egg
Schö dass am Bahnhof jetzt s’5-Egg git
Fürs Wohne im letztschte Lebesabschnitt
Doch wenn ich mer de Grundriss gnau betrachte
Isch es eher scho üebe im Sarg übernachte
Herisau
David Zuberbühler
Im Zubi sim Lade git’s ohni Spass
Schue vo de Marke Zubidas
Doch vo dene verkauft er gar nöd viel
Wer chauft schon en Halbschue ohne Profil
Sparen beim SRF
De Spardruck bim Fernseh füehrt dezu
Dass mer Sendige zemelege mue
Us Landfrauechuchi und Arena werd
D‘Landfraue-Arena mit de Viola Am Herd.
Und bi Bauer ledig Netz Natur
Zeigt mer Karin Kellers Utter und en Puur.
Digitale Bahnhofsuhr St.Gallen
Die falschi Zit die stört doch nur
Haltet sie a, die binär Uhr
Denn wäred mer immerhin so wiit:
sie zeigt zwei Mol am Tag die richtig Zit
Verkehrsprobleme
D’Appenzellerbahn stoht am Schibenertor
Und de Flixbus-Fahrer hät s’Handy am Ohr
E Lawine hät en Säntisbahn-Mast umgrisse
Und bim Postauto wersch um Millione bschisse
Flüge goht nüme weg em CO2
Und am Klima z‘lieb lohn i s’Auto dehei
De Bombardier-Zug hät laufend e Panne
Verkehr macht so kein Spass – i gang niene meh ane
Do sait mini Frau: und i has no viel schwerer
Bisch au no en schlechte Gschlechtsverkehrer
Fussball-Nati
Statt Trainer, Masseure und Psychologe
Brucht d’Schwizer Nati Ornithologe.
Denn wereli wer hilft allenthalbe
bi Doppeladler und de Neymar-Schwalbe?
Nahrungsmittel-Unverträglichkeiten
E-Hilfstoff verträg ich kei
Milch goht nu laktosefrei
Nur vegetarisch isch mehr z’banal
Ich esse nur no vegan-halal
Koscher und cholesterinreduziert
Tofuburger glutenfrei paniert
Wenn i all das ghöre denn chumm i gröber
Am ganze Körper so Puschtle öber
Ich ha halt ebe voll und ganz
E Nahrungsmittel-Unverträglichkeits-Intoleranz
Helene und andere Fischer
Fischer Bettwaren Wädenswil
Produziert auch für sie – nämli gern und viel
Auf die Qualitätskontrolle möchte ich verweisen
Geleitet von Florian Silbereisen
Gell sie sind ja besonders erfahren
Weil sie mit Fischer im Bett waren
Donald Trump
Stell der vor de Donald Trump
wär mit üs i de Schnitzelbangg
denn wör er sich zwösched üs zwei trucke
und mer hetted do e Bildigslugge
Frauenquote
SP jommered bi jedere Wahl:
D’Frauequote isch für üs zentral!
Wo liit s’Problem säg i zu de Rote:
Null Prozent isch doch au e Quote!
Self Service
S’git es Postauto wo selber fahrt
Und Selfscanning im Supermart
Do-it-yourself und IKEA-Sache
alles muess mer selber mache
Stell der vor wenn’s im Sexgwerb au so wär:
„Mach’s der doch selber!“ aber zahl deför.
Digitalisierung
Mer zwei, mer hend interveniert
Dass mer d’Fasnacht nöd digitalisiert
Wäg em Name wär das för üs Scheisse
Zwei Räppler mösstet Zwei Bitcoin heisse.
Donald Trumps Mauer
De Donald isch Liechtatlethik-Fan
Jede Wettkampf isch i-treit i de Tagesplän
Dank em Hochsprung weiss de Maa
Wie höch en Mexikaner gumpe cha
Mexikanische Antwort
Doch wenn die Muur denn fertig werd,
Wird’s für den Trump denn richtig hert.
D’Mexikaner lachet und meined fiin:
Weisch mer hend es Trumpolin
Hashtag MeToo
jede sexuell Übergriff isch eine z’viel
Hashtag metoo git Betroffne es Ventil
nu d‘Angela Merkel froged konsterniert
wo chasch di melde wenn’s eim nie passiert
Deutsche Politiker
Die dütsch Politik isch gar nöd so barbarisch
Nei, die isch vegan-vegetarisch
Früehner hät de Kohl gseit, wos dürgeoht
Und mit de Merkel händs jetzt de Salot.
No-Billag-Initiative
Im März No Billag chunnt mer z’schnell
Bi mer isch das im Sommer aktuell
Bim Grilliere säg ich jede Tag
Ich nimm nu Fleisch und no Billag
Constantain schlägt Fringer
Als Mediesprecher vom FC St.Galle
Wör mer de Constantin no gfalle
Au de Fringer empfiehlt de Sion-Präsident:
Er isch en umwerfende Typ mit schlagende Argument
Filmaufnahmen
keine Aufnahmen vorhanden.